Монгол Улсын Их Хурлын гишүүн, Засгийн газрын гишүүн, Хууль зүй, дотоод хэргийн сайд Х.Нямбаатар, УИХ-ын гишүүн Л.Мөнхбаатар, Улсын бүртгэлийн ерөнхий газрын дарга Д.Дэлгэрсайхан, Хууль хяналтын байгууллагын дарга нар Хөвсгөл аймагт ажиллаж, Хөвсгөл аймгийн удирдлагууд, төрийн үйлчилгээг хүргэж буй албан хаагчидтай уулзаж, төрийн үйлчилгээг цахимжуулж, хүртээмжтэй болгох, Засгийн газраас хэрэгжүүлж буй шинэ сэргэлтийн бодлого болон төрийн бүтээмжийн сэргэлтийн талаар авч хэрэгжүүлэх арга хэмжээний талаар танилцуулж, ажиллах орчин нөхцөлийг сайжруулах чиглэлээр санал солилцлоо.
Мөн энэ үеэр Хууль зүйн сайд Х.Нямбаатар тус хэлтэст төлбөрийн гэрэгэ киоск болон иж бүрэн компьютерын "Батламж" гардуулан өгж, эрхэлсэн ажилдаа идэвхи санаачлагатай ажилласан тус хэлтсийн ахлах нягтлан бодогч Б.Мөнхдэлгэрт Улсын бүртгэлийн "Тэргүүний ажилтан", Рашаант сумын улсын бүртгэгч Ц.Тогтох, Рэнчинлхүмбэ сумын улсын бүртгэгч П.Оргилсайхан, Төмөрбулаг сумын улсын бүртгэгч Д.Пүрэвдорж нарт Хууль зүйн яамны "Хүндэт жуух", Цагаан-Үүр сумын улсын бүртгэгч Б.Долгорсүрэн, Чандмань-Өндөр сумын улсын бүртгэгч Т.Доньдмаа нарт Улсын бүртгэлийн "Жуух бичиг"-ийг гардуулан өглөө.
.jpg)
