Хөвсгөл аймгийн хамгийн хүн ам ихтэй сум болох Тариалан суманд ажиллаж "Нээлттэй хаалганы өдөр" зохион байгууллаа. Тус арга хэмжээнд иргэний улсын бүртгэлийн бүх төрлийн үйлчилгээ, эд хөрөнгийн эрхийн улсын бүртгэлийн 16 үйлчилгээ, хуулийн этгээдийн зөвлөгөө мэдээллийг өгж ажиллалаа. Мөн Цахим гарын үсгийн тухай хуулийн шинэчилсэн найруулгыг 2021 оны 12-р сарын 17-ны өдөр УИХ-ын нэгдсэн чуулганаар эцэслэн баталсан бөгөөд 2022 оны 5-р сарын 01-ний өдрөөс хэрэгжиж эхэлсэнтэй холбогдуулан тус сумын 16 наснаас дээш насны 148 иргэнд тоон гарын үсэг олгож, хэрхэн ашиглах талаар мэдээлэл өглөө.
