Хөвсгөл аймгийн Улсын Бүртгэлийн хэлтсээс аймаг орон нутагтаа тоон гарын үсгийг нэвтрүүлэх түүний ач холбогдлын талаар олон ажил явуулж байгаа билээ. Өнөөдөр Мөрөн сумын 14-н багийн Засаг дарга, Баг зохион байгуулагч нарт тоон гарын үсгийг олгож, цаашдаа өөрсдийн багийн иргэд олон нийтэд сурталчлан таниулах талаар сургалт мэдээлэл өглөө.
Цахим гарын үсгийн тухай хуулийн шинэчилсэн найруулгыг 2021 оны 12-р сарын 17-ны өдөр УИХ-ын нэгдсэн чуулганаар эцэслэн баталсан бөгөөд 2022 оны 5-р сарын 01-ний өдрөөс хэрэгжиж эхэлсэн билээ. Тодруулбал 16 наснаас дээш насны иргэн бүрт тоон гарын үсгийг үнэгүй олгож эхэллээ. Тоон гарын үсэгтэй болсноор хувь хүмүүс болон албан байгууллага орон зай, цаг хугацааг үл хамааран албан харилцаагаа явуулах боломж бүрдэж байна.
"Цахим гарын үсгийг хэрэглээнд нэвтрүүлснээр иргэд зөвхөн төрийн үйлчилгээ төдийгүй хувийн хэвшлийн үйлчилгээнүүдийг заавал өөрийн биеэр очилгүй авах боломж бүрдэнэ мөн тоон гарын үсэг нь хүнд суртлыг бууруулах, авилгаас ангид, олон нийтэд нээлттэй төрийн үйлчилгээг нэвтрүүлэхэд чухал үүрэг гүйцэтгэнэ.
