Ээж ааваа баярлуулж ирсэн энхрий бяцхан үрсийг бид бүртгэнэ.
Эх орондоо бүл нэмж голомтоо бадраасныг бид бүртгэнэ.
Энэхэн бие нь насанд хүрч иргэний үнэмлэхээ авсныг бүртгэнэ.
Элгэн саднаа гуниглуулж эх дэлхийгээ орхисныг ч бид бүртгэнэ.
Ашиг олох зорилготой адтай нэгний компанийг бүртгэнэ.
Ард түмнийхээ төлөө гэсэн ашгийн төлөө бус хуулийн этгээдийг бүртгэнэ.
Санаа нийлсэн нөхдийн сайн дураараа байгуулсан нөхөрлөлийг бид бүртгэнэ.
Санхүү нь доройтсон байгууллагын татан буугдсаныг ч бид бүртгэнэ.
Улсаас үнэгүй өмчилсөн өрхийн хэрэглээний газрыг бид бүртгэнэ.
Ухаанаа уралдуулж барьсан уран хийцтэй барилгыг бид бүртгэнэ.
Ард иргэд бие биедээ худалдаж, бэлэглэсэнийг бид бүртгэнэ.
Ашиг хонжоо олох арилжаа наймааг ч бид бүртгэнэ.
БИД-Төрснийг ч, төөрсөн олохоор төгс бүртгэнэ
БИД-Барьсныг барьцаалж болохоор бат бүртгэнэ
БИД -Байгуулсаныг буугдах хүртэл баараггүй бүртгэнэ
БИД-Төгс төгөлдөр бүртгэлийн төлөө төрсөн биеэ ч умартан зүтгэдэг. МУ-д бүртгэлийн байгууллага үүсэж хөгжсөний 83 жилийн ой, "Улсын бүртгэлийн ажилтны өдөр"-ийн баярын мэндийг бүртгэлийн байгууллагын нийт хамт олондоо хүргэe.
