Иргэдийн санал бодлыг сонсох зорилготой “Шилжилт хөдөлгөөн ба төрийн үйлчилгээ” сэдэвт уулзалтыг Улсын бүртгэгч Б.Долгорсүрэнгийн санаачлагаар 2026 оны 02 дугаар сарын 04-ний өдөр 16:00 цагт Цагаан-Үүр сумын Засаг даргын Тамгын газрын Иргэний танхимд зохион байгууллаа.
Уулзалтад ИТХ-ын дарга Л.Одбаяр, Засаг дарга Т.Ханддорж, Засаг даргын орлогч А.Цэндсүрэн, 4 багийн Засаг дарга, төрийн байгууллагын дарга эрхлэгч нар болон суманд бүртгэлгүй оршин суугч иргэд урилгаар оролцож байна.
Төрөөс авч хэрэгжүүлж буй бодлого, шийдвэрийн талаар
- Хөдөлмөр, халамж, үйлчилгээний мэргэжилтэн Б.Тэгшжаргал
- Нийгмийн даатгалын байцаагч Д.Энхтүвшин
- ЭМТ-н даргыг түр орлон гүйцэтгэгч Д.Болор-Эрдэнэ
- Улсын бүртгэгч Б.Долгорсүрэн нар мэдээлэл танилцуулж байна.
Тус уулзалтаар иргэд шилжин ирэхэд тулгарч буй хүндрэл, төрийн үйлчилгээг авах явцад гарч буй асуудлыг хэлэлцэж, иргэдийн санал, шийдэл, зөвлөмжийг сонсон, цаашид хэрэгжүүлэх боломжит арга хэмжээний талаар санал солилцлоо.
